1. Cösc regolamont vën motü sö por le bun funzionamont dal salf dles manifestaziuns tal fabricat dles scores d’Al Plan de Mareo.
2. Adöm al salf, complet de meses y scagns röel laprò le foyer con le banco y i WC, le local a man dërta y chël a man ciampa dal paiun y les döes ciamenes con sorvîsc igienisc-sanitars sot le paiun.
3. La manutenziun ordinara dai locai des dant al punt 2, i laûrs straordinars y de aredamont i spëta al’aministraziun comunala, ince l‘ eletrizité, löm y scialdé va a ciaria dal Comune.
4. Vigne uniun, associaziun o ince porsona privata, co ô anüzé le salf po reservè sön la plataforma https://prenotaziun.it. Le vardian de Comune daür le salf a dërt’ora al responsabl dla uniun o porsona privata co à damané dô le salf. La tlé mëss endô gni dada zoruch dô la manifestaziun.
5. Les scores n’adóra nia na autorisaziun da pert dal Comune. Le salf dles manifestaziuns è automaticamonter resservé ales scores, dartan l’ann scolastich, vigne dé de scora dales 08:00 ales 14:15. Fora de cösc orar mëss ince les scores prenoté.
6. La uniun o porsona privata co anüza le salf mëss se fistidié ch’al ne vëgni nia fat danns o ajié patüc da ienn. Danns eventuai vëgn tuc sö dô la manifestaziun da pert dal vardian comunal y metüs en cunt al organisadú. Al mëss gni ciaré dai aparac‘ metüs a desposiziun. Le salf mëss gni romené sö (scoé, laé fora y puzené le salf, WC y ciasadafüch sce ara vëgn adorada) y arjigné ca anter le de suzesif da doman.
7. Al è da ciaré da sparagné energia: lascé verde löms o d’atres mascinns a strom, mâ ci co va veramonter debojügn, ciaré che les finestres y üsc sii slüc tla sajiun frëida y sparagné con ega cialda.
8. Por inzidënc, danns tratan y dô na manifestaziun èl l’organisadú co sorantôl la responsabilité. Le medemo vál ince por les lizonzes co mëss gni tutes y por les prescriziuns sanitaries dal personal co dëida. Le salf é colaudé por 180 porsones!
9. Por düc i atri caji co n’è nia regolês da cösc regolamont vál les prescriziuns dal codesc zivil.
TARIFES POR L’AFIT DAL SALF:
| Descriziun | |
| Afit al ora | € 10,00 |
| Afit por döt le dé | € 50,00 |
| Anüzada dla ciasadafü | € 20,00 |
| Cauziun por le puzené da paié al vardian | € 50,00 |
| Bals | € 300,00 – cauziun 500 € |
Dô che le vardian á ciaré dô y al azertëia che döt è a post, gnará la cauziun dada zoruch deplëgn.